Piece of Writing

ការអានគឺជាផ្នែកមួយនៃការរៀនសូត្រ និងធ្វើឲ្យប្រសើរឡើង។ វាមានផលប្រយោជន៍ក្នុងរូបភាពផ្សេងៗពីគ្នា។ – អភិវឌ្ឍន៍ខ្លួនឯង៖ មានចំណេះដឹងជាច្រើនដែលបានកត់ត្រាក្នុងសៀវភៅដែលធ្វើឲ្យមនុស្សមានភាពរឹងមាំ និងប្រសើរឡើង – សន្សំពេលវេលា៖ មានបទពិសោធន៍បរាជ័យជាច្រើនបានកត់ត្រាទុកក្នុងសៀវភៅ យើងគ្រាន់តែយកវាមកអាន រួចស្វែងយល់ ដូច្នេះយើងមិនបាច់ទៅចំណាយពេលវេលាពិសោធន៍ និងទទួលបទពិសោធន៍ដដែលដែលមានមនុស្សជាច្រើនបានឆ្លងកាត់ – ផលិតភាពការងារខ្ពស់ និងប្រសិទ្ធិភាព៖ ការអានកាន់តែច្រើនធ្វើឲ្យដឹងពីតិចនិច និងចំណេះដឹងធ្វើការងារល្បឿនជាងមុន ព្រមទាំងមានប្រសិទ្ធិភាព (កុំចំណាយច្រើន តែមិនសូវមានប្រយោជន៍) – សមត្ថភាពដោះស្រាយបញ្ហាល្អជាងមុន – សន្សំលុយ៖ អានច្រើនចេះច្រើន ចេះទាំងវិធីសន្សំលុយ ចេះទាំងវិធីកាត់បន្ថយចំណាយផ្សេងៗដែលមិនសំខាន់ និងអាចស្វែងរកផលិតផលគុណភាពខ្ពស់ តែចំណាយតិច – បង្កើនទ្រព្យសម្បត្តិច្រើន៖ សៀវភៅជាច្រើនបានឆ្លុះបញ្ចាំងពីបទពិសោធន៍ និងចំណេះដឹងបង្កើនទ្រព្យ – ចូលរួមអភិវឌ្ឍន៍សង្គម៖ អ្នកដែលអានច្រើន មានចំណេះដឹងច្រើន តែងតែគិតគូរដល់ការអភិវឌ្ឍន៍សង្គម ព្រោះវាជាវិធីសាស្ត្រដែលជួយពួកគេ និងអ្នកជុំវិញរីកចម្រើន មានតែអ្នកមានចំណេះដឹងស្ទើរ ហើយអួតអាងដែលចូលចិត្តបំផ្លាញសង្គម ឬមិនគិតគូរពីសង្គម – ប្រទេសរឹងមាំ៖ ការអានជាមធ្យោបាយមួយក្នុងមធ្យោបាយរៀនសូត្រជាច្រើនដែលមានប្រសិទ្ធភាព និងអាចបង្កើតធនធានមនុស្សដ័ខ្លាំងក្នុងការចូលរួមអភិវឌ្ឍន៍ប្រទេសជាតិឲ្យរឹងមាំ សរសេរដោយ៖ សុខ ឡាក់